2025-ci il Formula 1 Qatar Airways Azərbaycan Qran-Prisi yalnız avtomobil yarışları ilə deyil, həm də möhtəşəm musiqi performansları ilə yadda qalacaq. Sentyabrın 19-da dünya musiqi səhnəsinin innovativ adlarından biri – Anyma Bakıya gələcək.
Doğru.az xəbər verir ki, bu barədə Bakı Şəhər Halqası Əməliyyat Şirkəti məlumat yayıb. Bəyanatda bildirilir ki, F1 azarkeşlərini bu il sürət və həyəcanla yanaşı, elektron musiqinin qeyri-adi notları da gözləyir.
Artıq ənənəyə çevrilən bu yarış-festival konsepti çərçivəsində təşkil olunan konsertlər, paytaxtın mərkəzində əsl bayram atmosferi yaradacaq. Xüsusilə 4 günlük bilet alan tamaşaçılar Anyma-nın canlı çıxışının şahidi ola biləcəklər.
Qeyd edək ki, Formula 1 təkcə idman deyil, həm də mədəniyyət hadisəsi kimi Bakının beynəlxalq imicinə mühüm töhfə verir.
DOĞRU.AZ
