Braziliya prezidenti Luiz İnasio Lula da Silva sosial şəbəkədə argentinalı futbolçu Lionel Messinin braziliyalı futbolçulara nümunə olması lazım olduğunu bildirib.
“Messi braziliyalı oyunçular üçün nümunə olmalıdır. Onun 36 yaşı var, dünya çempionudur, “Qızıl top”u qazanıb və s. Messi uşaqlar üçün ilham olmalıdır”, – da Silva bildirib.
Oktyabrın 30-da Messi “Qızıl top”u aldı. Mükafatlandırma mərasimi Parisdə Chatelet teatrında baş tutub.
Bu mükafat Argentina millisinin kapitanı üçün onun karyerasında səkkizinci mükafat olub. Qızıl topu Messi qədər heç kim qazanmayıb. O, 2009, 2010, 2011, 2012, 2015, 2019, 2021 və 2023-cü illərdə nüfuzlu mükafata layiq görülüb.
Mənbə: NTV Spor
