Parisdə keçirilən Yay Paralimpiya Oyunları çərçivəsində triatlon yarışları sentyabrın 1-dək təxirə salınıb.
Beynəlxalq Triatlon İttifaqının saytı xəbər verir ki, bu qərar əlverişsiz hava proqnozu ilə əlaqədar verilib: bu, üzgüçülük yarışlarının keçiriləcəyi Sena çayının vəziyyətinə təsir göstərə bilər.
Xatırladaq ki, çayda çimmək 1923-cü ildə qadağan edilib. Olimpiadadan əvvəl Paris hökuməti Sena çayının təmizlənməsi və çirkab sularının axıdılması sisteminin yenidən qurulması üzrə işlər həyata keçirib.
Bundan əvvəl Paris meri Paralimpiya oyunları başlamazdan əvvəl yenidən Sena çayında üzmüşdü.
DOĞRU.AZ
