Yuxu mütəxəssisi Pavel Kudinov yuxu gigiyenasının əsas qaydasının hər gün eyni vaxtda oyanmaq olduğunu bildirib.
Doğru.az xəbər verir ki, ekspertin sözlərinə görə, eyni vaxtda oyandıqda, bədən təxminən eyni vaxtda yatmaq istəyəcək və yuxu problemləri əhəmiyyətli dərəcədə azalacaq.
Kudinov RT-yə müsahibəsində qeyd edib ki, gecə yarısından əvvəl yatmaqla bağlı geniş yayılmış inanc yalnız çox erkən oyananlar üçün doğrudur. “Əgər səhər altıda durursansa, gecə yarısından əvvəl yatmaq məntiqlidir. Amma kimsə, məsələn, doqquzda qalxırsa, gecə yarısından əvvəl yatmaq vacib deyil”, – ekspert bildirib.
Somnoloqun sözlərinə görə, “altıdan sonra yemək yeməyin” qaydası da yalnız erkən yatdığınız zaman aktualdır. Yatmazdan əvvəl dörd saat ərzində şam yeməyi kifayətdir.
Kudinov əlavə edib ki, bir yetkinin yuxuya ehtiyacı altı ilə səkkiz saat arasındadır və həftə sonları yuxu cədvəlini pozmaq bioloji saatı poza bilər: “Əgər həftə sonları müxtəlif vaxtlarda oyanıb yatmaqla bioloji saatı pozsaq, bazar günü yuxuya getmək və bazar ertəsi oyanmaq çətinləşəcək”.
Həkim həmçinin yuxunun keyfiyyətinə birbaşa təsir edən amilləri sadalayıb: narahat yataq, yüksək otaq temperaturu, işıq və səs-küy.
Daha əvvəl diyetoloq Mariyat Muxina şəkərdən asılılığın necə aradan qaldırılacağını izah etmişdi.
DOĞRU.AZ
