Finlandiya prezidenti Aleksandr Stubb hesab edir ki, Ukraynadakı münaqişənin sülh yolu ilə həlli 2022-ci ilin fevralından bəri heç vaxt indiki qədər yaxın olmayıb.
Doğru.az xəbər verir ki, bu barədə məlumatı “Bloomberg” yayıb.
Stubbın sözlərinə görə, tərəflər hazırda eyni vaxtda üç sənəd üzərində danışıqlar aparır. Birinci sənəd 20 bənddən ibarət olan çərçivə sazişidir və bu, ABŞ-ın əvvəlki 28 bəndlik planını əvəz edir.
Prezident Helsinkidə keçirilən tədbirdə bildirib: “28 bəndlik ilkin plana gələcək Avropa təhlükəsizlik strukturunun elementləri daxil idi ki, mənim fikrimcə, tamamilə qəbuledilməzdir”.
Agentliyin məlumatına əsasən, müzakirələr Kiyevin NATO-ya üzvlüyünün qadağan edilməsi və Ukrayna ordusunun sayının məhdudlaşdırılması kimi müddəaları əhatə edir. Danışıqların ikinci sənədi təhlükəsizlik təminatlarına, üçüncü sənədi isə Ukraynanın müharibədən sonrakı bərpasına həsr olunub.
DOĞRU.AZ
