Formula-1 və Beynəlxalq Avtomobil Federasiyası (FIA) tərəfindən təşkil olunan yarışlarda pilotlara tətbiq olunan ədəbsiz ifadələrə görə cərimələr yumşaldılıb.
Doğru.az xəbər verir ki, FIA-nın rəsmi saytında yer alan məlumata görə, artıq bu cür qayda pozuntularına görə maksimal cərimə məbləği 10 min avrodan 5 min avroya (təxminən 9500 manat) endirilib.
Bundan əlavə, stüardlar müəyyən hallarda – xüsusilə ilk dəfə baş verən pozuntular zamanı – cəzanı tamamilə ləğv etmək səlahiyyətinə malik olacaqlar.
Bu qərar həm idmançılar, həm də komandalar tərəfindən müsbət qarşılanıb və yarışlarda daha balanslı yanaşmanın tətbiq olunacağı gözlənilir.
DOĞRU.AZ
