İslam Respublikası Parlamentinin spikeri Məhəmməd Baqir Qalibaf bildirib ki, ABŞ təcavüzkarlıq göstərərsə, İran Yaxın Şərqdəki Amerika bazalarına zərbə endirəcək.
Doğru.az xəbər verir ki, Qalibaf X sosial şəbəkəsində yazıb ki, Amerika tərəfində mümkün hər hansı “macəra”ya cavab olaraq, bölgədəki bütün ABŞ bazaları və onların silahlı qüvvələri İran üçün qanuni hədəfə çevriləcək.
O, əlavə edib: “Tarix boyu İran xalqı bunlardan daha təcrübəli düşmənləri məyus edib…” Qalibaf həmçinin xarici kəşfiyyat xidmətlərinin qanuni etirazları silahlı toqquşmalara çevirmək cəhdlərinin uğursuz olduğunu bildirib və ölkənin etirazçıları heç vaxt xarici agentlərlə eyniləşdirmədiyini vurğulayıb.
Qeyd edək ki, bir müddət əvvəl ABŞ prezidenti Donald Tramp İrandakı etirazçılara kömək etməyə hazır olduğunu açıqlamışdı. Eyni zamanda, İran Təhlükəsizlik Şurası ABŞ-ı daxili işlərinə müdaxilənin nəticələri barədə xəbərdar edib.
DOĞRU.AZ
