İsrail ABŞ-ın Türkiyəyə F-35 qırıcı təyyarələri satmasına razılıq verməyəcəyini açıqlayıb.
Doğru.az xəbər verir ki, İsrailin xarici işlər nazirinin müavini Şaren Haskel “Kathimerini” nəşrinə müsahibəsində mümkün satışla bağlı ciddi narahatlıqlarının olduğunu bildirib. Onun sözlərinə görə, F-35 təyyarələrində istifadə olunan texnologiyanın mühüm hissəsi İsraildə hazırlanıb və bu texnologiyanın Türkiyə ilə paylaşılması qəbuledilməzdir.
Şaren Haskel qeyd edib ki, təhlükəsizlik və texnoloji üstünlüklər İsrail üçün prinsipial məsələ olaraq qalır.
Qeyd edək ki, bundan əvvəl ABŞ prezidenti Donald Tramp Vaşinqtonun Türkiyəyə beşinci nəsil F-35 qırıcı-bombardmançı təyyarələrinin tədarükü imkanını “çox ciddi şəkildə” nəzərdən keçirdiyini açıqlamışdı.
DOĞRU.AZ
