image-2000x150px
image-970x50px
image-yirsbvg6ebximxzgd4ierznktcqikzayae7ybg4nbackend

Kombayn mexanizatorlarına ödənişsiz təlimlər keçirilib – FOTOLAR

image-728x90px

“Aqroservis” ASC-nin Yevlax regional nümayəndəliyinin nəzdində fəaliyyət göstərən təlim-tədris mərkəzində kombayn mexanizatorlarına ödənişsiz təlimlər keçirilib. Cari ildə taxıl biçininin itkisiz və mütəşəkkil həyata keçirilməsi məqsədilə təşkil olunan təlimlərə “New Holland TC 4.90” markalı taxılyığan kombaynları idarə edəcək 90 mexanizator cəlb edilib.

Doğru.az xəbər verir ki,  təlimlərdə mexanizatorlara kombaynların idarə edilməsi, düzgün texniki xidmətin göstərilməsi, texnikaların nizamlanması işləri, istismar zamanı baş verə biləcək nasazlığın aradan qaldırılması və təhlükəsizlik qaydalarına düzgün riayət edilməsi ilə bağlı ətraflı məlumat verilib.

Təlimlər istehsalçı zavoddan dəvət olunmuş yüksək ixtisaslı mütəxəssislər və “Aqroservis” ASC-nin nümayəndə heyəti tərəfindən video görüntü və əyani vasitələrdən istifadə edilməklə interaktiv formada təşkil olunub.  Mexnizatorlara kombaynın idarə edilməsi, təmir işlərinin aparılma qaydaları əyani nümayiş etdirilib.

Təlimdən sonra imtahandan keçən hər bir mexanizatora (operatora) sertifikat təqdim edilir. Qeyd edək ki, sertifikatı olmayan mexanizatorlarla “Aqroservis” ASC tərəfindən operativ lizinq müqaviləsi bağlanılmayacaq.

Qeyd edək ki, 25-31 mart tarixlərində baş tutan təlimlərdə karantin rejiminin tələblərinə ciddi əməl olunub.

image-fb_img_1617269378024 image-fb_img_1617269380781 image-fb_img_1617269383063 image-fb_img_1617269385486 image-fb_img_1617269389234 image-fb_img_1617269391645 image-fb_img_1617269394315 image-fb_img_1617269401661 image-fb_img_1617269399425 image-fb_img_1617269396989 image-fb_img_1617269404487
image-728x90px

  • whatsapp
  • messenger
  • telegram
  • vkontakte
  • odnoklassniki