“Universal Music Group” musiqi şirkəti Queen’s mahnılar kataloqunu almaq üçün Disney Music Group ilə danışıqlar aparır.
Bu barədə CNN məlumat yayıb.
Mənbənin sözlərinə görə, danışıqlar “tam sürətlə gedir”. Bildirilir ki, satış məbləği 1 milyard dolları keçə bilər.Bir ay ərzində şirkətlərin razılaşacağı gözlənilir. İmzalanarsa, bu müqavilə musiqi kataloqu satışları tarixində ən böyük sövdələşmə ola bilər. Bununla belə, Disney Music Group-un sözçüsü CNN-ə bildirib ki, şirkət kataloqu satmaq fikrində deyil.
Britaniya rok qrupu Queen 1970-ci ildə müğənni Freddie Mercury, gitaraçı Brayan Mey və barabançı Rocer Taylor tərəfindən yaradılıb, sonradan basçı Con Dikon da qoşulub.
Mənbə: gazeta.ru
