“Crocus City Hall” konsert zalında baş vermiş terror aktı və yanğın nəticəsində zərərçəkmiş iki nəfərə təzminat verilməsi qərarından şikayət edilib.
Doğru.az xəbər verir ki, bu barədə məlumat məhkəmə sənədlərində əksini tapıb.
RİA Novosti-nin məlumatına görə, iddia mənəvi ziyana görə kompensasiya və müalicə xərclərinin ödənilməsini tələb edən iki qadına aiddir. Onlar terror aktı ilə bağlı açılmış cinayət işində rəsmi şəkildə zərərçəkmiş kimi tanınıb.
Məlumata görə, hücum günü hər iki qadın tüstü ilə dolu, qaranlıq otaqda 30 dəqiqə çıxış yolu axtarıb və yanğınsöndürənlərin nasazlığı səbəbindən dəm qazı udub. İlk gecəni evdə keçirsələr də, ertəsi gün təcili yardım çağırıblar və daha sonra uzunmüddətli müalicə tələb edən diaqnoz alıblar.
Qeyd edək ki, sentyabr ayında zərərçəkmişləri müdafiə edən vəkillərdən biri İqor Trunov iş adamı Araz Ağalarov və oğlu Eminin aktivlərinin dondurulması ilə bağlı tələb irəli sürmüşdü. Bildirilir ki, “Crocus”da törədilən terror aktı işi üzrə 400 şahidin ifadəsi dinləniləcək.
DOĞRU.AZ
