Mayın 27-də Laçın şəhərində Azərbaycan Respublikasının Prezidenti İlham Əliyev və Pakistan İslam Respublikasının Baş naziri Məhəmməd Şahbaz Şərif arasında geniş tərkibdə görüş keçirilib.
Rəsmi nahar formatında baş tutan görüş zamanı iki ölkə arasında strateji əməkdaşlıq məsələləri, regional və beynəlxalq gündəmdə olan məsələlər müzakirə olunub. Tərəflər iqtisadi, enerji, nəqliyyat və təhlükəsizlik sahələrində əməkdaşlığın genişləndirilməsi perspektivlərinə dair fikir mübadiləsi aparıblar.
Görüş, Azərbaycan–Pakistan dostluq münasibətlərinin daha da möhkəmləndirilməsinə xidmət edən önəmli addımlardan biri kimi qiymətləndirilir.
Mənbə: AZƏRTAC
