Litvanın xarici işlər naziri Kestutis Budris ölkəsinin Belarusla sərhədi açmaqdan imtina etdiyini açıqlayıb və Minsk rəhbərliyini vəziyyəti gərginləşdirməkdə günahlandırıb.
Doğru.az xəbər verir ki, nazirin sözlərinə görə, Belarus prezidenti Aleksandr Lukaşenko danışıqlardan danışarkən “yanıltıcı” məlumatlar yayır və Litva şirkətlərinin aktivlərini girov götürməkdə ittiham olunur.
“Lukaşenko girov götürür və bütün vəziyyəti guya danışıqları tələb edən hansısa fikir ayrılığına çevirməyə çalışır. Bu, hamı üçün yanlış xəbərdir”, – Budris vurğulayıb.
O, həmçinin Belarusu Avropa İttifaqı və NATO-nu təhdid etməkdə və hava məkanını pozmaqda günahlandırıb. Doğru.az qeyd edir ki, nazir sərhədlərin yalnız Minsk bu hərəkətlərdən əl çəkdiyi halda açılacağını bildirib.
DOĞRU.AZ
