Belarus BelAES-in istismara verilməsinin gecikdirilməsi ilə əlaqədar Rusiyaya kompensasiya verilməsi məsələsini qaldırıb.
BELTA xəbər verir ki, bunu ölkə prezidenti Aleksandr Lukaşenko deyib.
O qeyd edib ki, bu suallar stansiyanın istismara verilməsi ilə bağlı müddətlərin pozulması ilə əlaqədar qaldırılıb. Belarus liderinin sözlərinə görə, buna görə Rusiya tərəfi məsuliyyət daşıyır.
“Onlar bizə təzə nüvə yanacağının qiyməti ilə bağlı variantlar təklif etdilər – həm ruslar, həm də onların stansiyaları üçün. Zəmanət müddəti isə beş ildir”, – deyə o qeyd edib.
Belarus Atom Elektrik Stansiyasının tikintisinin başa çatması ilə bağlı hesabatı qəbul edən Belarus rəhbəri Energetika Nazirliyinə bunun Belarus tərəfini nə dərəcədə qənaətbəxş olduğunu qiymətləndirməyi təklif edib.
BelAES-in tikintisinə 2013-cü ildə Rusiya Federasiyasının dəstəyi ilə başlanılıb. İlk qurğunun rəsmi təqdimatı 2020-ci ilin noyabrında baş tutdu. İkinci enerji bloku 2023-cü il mayın 13-də ölkənin elektrik şəbəkəsinə qoşulub. Stansiyanın ümumi gücü 2400 MVt-dır.
Mənbə: Lenta.ru
