Belarus Prezidenti Aleksandr Lukaşenko ABŞ lideri Donald Trampa bu il Nobel Sülh Mükafatını ala bilməməsindən narahat olmamağı məsləhət görüb.
Doğru.az xəbər verir ki, dövlət başçısı bunu Minskdə qlobal beynəlxalq vəziyyət və Belarus-Amerika münasibətlərinin inkişafına həsr olunan görüşdə deyib.
“Mən şəxsən ona məsləhət görərdim ki, Nobel mükafatına layiq görülməməkdən çox narahat olmasın. Çünki oradakı reneqatlar arasında olmaq yəqin ki, ona yaraşmaz”, – deyə Lukaşenko qeyd edib.
O, həmçinin vurğulayıb ki, əsas olan Nobel Komitəsinin deyil, beynəlxalq ictimaiyyətin və dünyadakı insanların verdiyi qiymətdir.
Qeyd edək ki, oktyabrın 10-da Osloda Nobel Komitəsi 2025-ci il Sülh Mükafatının Venesuelanın müxalif siyasətçisi Maria Korina Maçadoya verildiyini elan edib.
DOĞRU.AZ
