Fransa prezidenti Emmanuel Makron bəyan edib ki, Ukrayna nizamlanması prosesi həlledici mərhələyə daxil olub.
Doğru.az xəbər verir ki, BFMTV yazır: prezident bunu Ukraynaya yardım göstərmək istəyənlər koalisiyasının iclasında səsləndirib.
Makron bildirib: “Biz aydın şəkildə həlledici mərhələdəyik. Danışıqlar yeni sürət qazanır və biz bu sürətdən istifadə etməliyik”.
Bundan əvvəl ABC News Ukraynanın ABŞ-ın təklif etdiyi sülh sazişinin şərtləri ilə razılaşdığını yazmışdı. Politico isə ABŞ-ın Ukrayna ilə bağlı yenidən işlənmiş planının əvvəlki bəzi müddəaları çıxardığını qeyd etmişdi.
Rusiya xarici işlər naziri Sergey Lavrov da açıqlama verərək bildirib ki, Moskva Vaşinqtondan ABŞ-ın Ukrayna münaqişəsinin həlli üzrə Avropa və Kiyevlə razılaşdırıldığı iddia edilən müvəqqəti variantı təqdim etməsini gözləyir.
DOĞRU.AZ
