Fransa prezidenti Emmanuel Makronu yağışda təxminən yarım kilometr piyada getməyə məcbur edən insident ciddi nəticə ilə yekunlaşıb.
Doğru.az xəbər verir ki, “Canard Enchaine” nəşrinin məlumatına görə, hadisədən sonra Pas-de-Kale departamentinin rəhbəri Loran Tuve vəzifəsindən azad edilib.
Qəzet yazır ki, Arras şəhərində fermerlərin etirazları prezidentin mühafizəsinin hərəkətini məhdudlaşdırıb. Nəticədə Makron təyinat yerinə avtomobillə çata bilməyib və yağan yağış altında piyada getməyə məcbur olub. Bunun prezidentdə ciddi narazılıq yaratdığı və qərarın dərhal verildiyi bildirilir.
Bundan əvvəl Fransanın “Vətənpərvərlər Partiyası”nın lideri Florian Filippot Makronun Rusiya prezidenti Vladimir Putinə cavab açıqlamasından sonra onu ələ salmışdı.
DOĞRU.AZ
