Azərbaycan Respublikasının Birinci vitse-prezidenti Mehriban Əliyeva minifutbol üzrə Azərbaycan milli komandasını dünya çempionu olması münasibətilə təbrik edib.
Mehriban Əliyeva bu münasibətlə özünün rəsmi Instagram səhifəsində paylaşım edərək komandamıza təşəkkürünü bildirib:
“Azərbaycan minifutbol yığması dünya çempionatının qalibidir! Komandamıza parlaq qələbəyə görə təşəkkür edirəm! Sizinlə fəxr edirik! Milli yığmamızın bütün üzvlərinə möhkəm cansağlığı, güc, enerji və yeni-yeni qələbələr və nailiyyətlər arzulayıram!”
Qeyd edək ki, Azərbaycan millisi dünya çempionatının finalında Qazaxıstan yığmasına qalib gələrək tarixi uğura imza atıb.
DOĞRU.AZ
