Moldovanın xarici işlər naziri Mixay Popsoi ölkənin neytrallığının cari təhlükəsizlik ehtiyaclarına cavab verib-vermədiyini müzakirə etməyi təklif edib. Point.md xəbər verir ki, nazir qeyd edib ki, vətəndaşların əksəriyyəti neytral statusun dəyərini görsələr də, ölkənin təhlükəsizlik maraqlarına uyğunluğunu yenidən nəzərdən keçirməyin vaxtı çatıb.
Doğru.az xəbər verir ki, Popsoi hazırkı təhlükəsizlik vəziyyətini “köklü şəkildə dəyişmiş” hesab edir. Qeyd edək ki, bir gün əvvəl Moldova Xarici İşlər Nazirliyi Rusiyanın səfiri Oleq Ozerovun noyabrın 19-da naməlum pilotsuz təyyarənin ölkənin hava məkanını keçdiyi iddiasına görə çağırıldığını açıqlamışdı.
DOĞRU.AZ
