Kənd Təsərrüfatı Nazirliyinin Elm, təhsil və insan resursları şöbəsinin müdiri Fərid Nəcəfov dekabrın 10-da Naxçıvan Muxtar Respublikası Kənd Təsərrüfatı Nazirliyində vətəndaşları qəbul edib.
Doğru.az xəbər verir ki, qəbul zamanı müraciətlər əsasən işlə təminat, əkin sahələrinin təsərrüfat suyu ilə təmin olunması və digər məsələlərlə bağlı olub.
Fərid Nəcəfov hər bir müraciəti diqqətlə dinləyərək, problemlərin qanunvericiliyə uyğun həlli üçün müvafiq tapşırıqlar verib. Bəzi məsələlər yerindəcə həll olunub, digərləri isə araşdırma üçün nəzarətə götürülüb. Nazirliyin səlahiyyətinə daxil olmayan müraciətlər isə müvafiq qurumlara yönləndirilib.
Görüşdə şöbə müdiri dövlət başçısının kənd təsərrüfatının inkişafı ilə bağlı sərəncamlarının istehsalçıların rifahını yaxşılaşdırdığını qeyd edib. Vətəndaşlar göstərilən diqqət və qayğıya görə Prezident İlham Əliyevə minnətdarlıqlarını bildirib.
Qəbuldan sonra Fərid Nəcəfov nazirliyin kollektivi ilə görüşərək, muxtar respublikada kənd təsərrüfatına dövlət dəstəyi, Aqrar Subsidiya Şurasının 2026-cı təsərrüfat ili üçün qərarları, subsidiyaların elektron verilməsi və iş prosesinin təşkili barədə müzakirələr aparıb.
DOĞRU.AZ
