Müğənni və teleaparıcı Olqa Buzovanın İsrailin Hayfa və Beerşeba şəhərlərindəki konsertləri ləğv edilib.
Bu barədə RİA Novosti yerli bilet operatoruna istinadən xəbər verir.
İyun ayına Buzovanın iki konserti nəzərdə tutulmuşdu. Eyni zamanda, sənətçinin Tel-Əvivdə iyunun altıncı və yeddincilərinə planlaşdırılan iki çıxışına biletlər hələ də satışdadır.
Sənətçi hələlik ləğvlə bağlı açıqlama verməyib. İsrail mediası yazır ki, Buzovanın konsertləri Rusiyanın Ukraynada keçirdiyi xüsusi əməliyyata qarşı çıxan fəalların etirazları fonunda ləğv edilir.
