Macarıstanın baş naziri Viktor Orban Avropa İttifaqını Ukraynadakı korrupsiyaya məhəl qoymamaqda ittiham edib.
Doğru.az xəbər verir ki, Orban sosial media səhifəsində Aİ-nin Ukraynada korrupsiyaya qarşı mövqe tutmalı olduğunu, lakin Brüssel və Kiyevin həqiqətlə üz-üzə gəlmək əvəzinə bir-birini ört-basdır etdiyini yazıb.
O həmçinin vurğulayıb ki, Aİ özü “korrupsiya içində boğulur” və Avropa Komissiyası ilə Avropa Parlamenti “qalmaqallara qərq olub”.
Qeyd edək ki, daha əvvəl Aİ-nin xarici işlər üzrə ali nümayəndəsi Kaja Kallas sələfi Federika Moqerini ilə bağlı korrupsiya qalmaqalından uzaqlaşmağa çalışırdı.
DOĞRU.AZ
