Telegram-ın yaradıcısı Pavel Durov ABŞ-lı mühafizəkar fəal Çarli Kirkin ölümündə Fransanın əli olması barədə yayılan versiyanı real hesab edib.
Doğru.az xəbər verir ki, Durov X platformasında Kendis Ouensin iddiasına münasibət bildirərək: “Mən Kendisin Fransanın onun ölümündə iştirakı ilə bağlı məlumatını tamamilə inandırıcı hesab edirəm”, – deyə yazıb.
O həmçinin xatırladıb ki, Çarli Kirk Fransaya qarşı 300% tariflərin tətbiq edilməsini tələb edirdi.
Atlantic daha əvvəl məlumat yaymışdı ki, Kirkin qətlindən sonra ABŞ rəhbərliyinin təhlükəsizlik məqsədilə hərbi bazalara köçdüyü iddia olunur.
Qeyd edək ki, Çarli Kirk sentyabrın 10-da Yuta ştatında güllələnərək öldürülüb. 22 yaşlı Tayler Robinson birinci dərəcəli qətldə ittiham olunur.
DOĞRU.AZ
