Region Liqasında çıxış edən 2 klubun ümumilikdə 3 rəsmisi futboldan kənarlaşdırılıb.
Doğru.az xəbər verir ki, bu barədə qərar AFFA İntizam Komitəsinin iclasında qəbul olunub.
“Baku” komandasının rəsmisi İsmayıl Hüseynzadə və “Çinar-Zəngilan”ın idman direktoru Anar Dünyamalıyev lisenziyaların alınması üçün təqdim edilmiş sənədləri saxtalaşdırdıqları üçün 3 il müddətinə diskvalifikasiya ediliblər.
“Baku” klubunun icraçı direktoru Rövşən Mustafayev isə sənədlərin saxtalaşdırılmasından xəbərdar olduğu üçün cəzalanıb. Ona 1,5 il müddətində futbola aid olan istənilən fəaliyyətlə məşğul olmaq qadağan olunub.
DOĞRU.AZ
