Rumıniyada silah-sursat laboratoriyasında partlayış baş verib, bir nəfər ölüb.
Bu barədə Evenimentul Zilei məlumat yayıb.
“Çərşənbə axşamı, aprelin 29-da saat 14:00 radələrində Pantelimon şəhərində sursat laboratoriyasında partlayış baş verib, ardınca bölmənin mülki əməkdaşı həlak olub”, – Milli Müdafiə Nazirliyinin açıqlamasında deyilir.
Ölən şəxsin 2019-cu ildən laboratoriyada işləyən 47 yaşlı qadın olduğu bildirilir. O, partlayıcı və pirotexniki materialların fiziki-kimyəvi analizlərini aparıb.
Qeyd olunur ki, fövqəladə hadisə yerində baş verən yanğın 35 dəqiqə ərzində söndürülüb.
DOĞRU.AZ
