Artıq bir aya yaxındır ki, Xaçmaz məktəblərini kütləvi halda əhatə edən pul toplama marafonları uğurla davam etdirilir. Bu proses elə həssaslıqla aparılır ki, təşkilatçılar bütün detalları və bu istiqamətdə mövcud ola biləcək maneələri ustalıqla aradan qaldırmaq üçün olduqca əlverişli şərait formalaşdırıb.
Məkətblərə toplanan bu vəsait elə kritik səbəblərlə əsaslandırılıb ki kiminsə etiraz edib bu vəsaiti verməməsi üçün bir bəhanəsi qalmıyıb.
Axı bilirik ki, hamınızın əyri işi var. Bunu biz bildiyimiz kimi gələn audit qardaşlar da yaxşı bilir. Onlar da bilirsə deməli onlardan da böyükləri bilir. Bu “missiyya”nı yerinə yetirməsək necə ola biləcəyini xatırlatmağa gərək yoxdur. Ona görə bunu bir dövlət payı kimi anlamaq lazımdır.
Qeyd edək ki, bir müddət bundan əvvəl Hesablama palatasının 2 saylı maliyyə hesablaşma mərkəzinə gələn audit yoxlamasından sonra bütün təhsil müəssisələrində yüksək məbləğdə pul toplama marafonlarına start verilib.
Hər məktəbin öz “yükü”var. Ən minimal məbləğ 1000 manat ən yüksək məbləğ isə 10 000 manatdır. Bu vəsait isə məktəblərdə çalışan müəllimlərin dərs saatına uyğun olaraq bölüşdürülüb. Elə müəllim var onun payına 150-200 manat arasında pul düşüb.
Bu vəsait dövlətə köçürülür deyirlər. Həmdə deyirlərki bu bir borcdur. Qeyd edək ki, Hesablama palatası dövlət büdcəsindən maliyyələşdirmələrin təsdiq olunmuş dövlət büdcəsində müəyyən edildiyi kimi aparılmasını təhlil etmək, aşkar edilmiş kənarlaşmaların aradan qaldırılmasını təmin edən bir dövlət qrumudur.
Əldə etdiyimiz məlumata görə qrumun Xaçmaz məktəblərində ki, yoxlaması zamanı ciddi maliyyə nöksanları aşkar edilib. Bir növ məktəblər dövlət büdcəsindən ayrılan vəsaitlərin aidyyatı üzrə sərf edilməməsinə görə cəzalandırılır. Bəs bu pullar nə zaman və hara yoxa çıxıb?
İqtisadçı ekspert Natiq Cəfərlinin sözlərinə görə heç bir halda təhsil müəssisəsinin dövlət büdcəsi qarşısında borcu yarana bilməz. Bu tamamilə əsassız və qanunsuzdur. Məktəb istehsal müəssisəsi deyil təhsil müəssisəsidir.
Bəs onda 2 saylı Maliyyə Hesablaşma Mərkəzinin rəhbəri Şahin İsrafilovun tapşırığı ilə Xaçmaz məktəblərində niyə pul toplanılır? Bu pullar kimlərə və hara çatır?
Ardı var.
DOĞRU.AZ
