Rusiya Fövqəladə Hallar Nazirliyinin Tatarıstan üzrə Baş İdarəsi qaz partlayışı nəticəsində 5 nəfərin yaralandığını açıqlayıb.
Doğru.az xəbər verir ki, RİA Novostinin məlumatına görə, hadisə şəhərin qaraj kooperativlərindən birində baş verib. Nazirliyin bəyanatında qeyd olunur ki, qaz sobasında yemək bişirərkən balondan sızan qaz-hava qarışığı alışaraq partlayışa səbəb olub.
> “Qaz sobasında yemək bişirərkən qaz balonundan sızma, qaz-hava qarışığının alışmasına gətirib çıxarıb. Hadisə nəticəsində maddi ziyan qeydə alınmayıb,” – məlumatda bildirilir.
Partlayış nəticəsində 5 nəfərin müxtəlif dərəcəli yanıq xəsarətləri aldığı qeyd olunur.
Xatırladaq ki, bundan əvvəl Tula vilayətində də oxşar qaz partlayışı baş vermiş, nəticədə 5 nəfər xəsarət almışdı.
DOĞRU.AZ
