Qazaxıstan Prezidenti Kasım-Jomart Tokayev Aşqabadda keçirilən Beynəlxalq Sülh və Etimad Forumunda beynəlxalq hüququn vəziyyətini şərh edib.
Doğru.az xəbər verir ki, TASS agentliyi onun sözlərini sitat gətirib:
“Beynəlxalq hüququn aşınmasını, onun müəyyən qaydalarla əvəz olunmasını və təbii ki, çoxtərəfli qurumların, ilk növbədə Birləşmiş Millətlər Təşkilatının nüfuzunun və effektivliyinin azalmasını qeyd etmək lazımdır”, – deyə Tokayev vurğulayıb.
Prezident Qazaxıstanın BMT-nin islahatlarını dəstəklədiyini, o cümlədən Təhlükəsizlik Şurasının genişləndirilməsi və Baş Assambleyanın rolunun gücləndirilməsinin önəmli olduğunu bildirib. Tokayev eyni zamanda BMT-nin missiyasını ləyaqətlə yerinə yetirdiyini qeyd edib.
Qeyd edək ki, forum zamanı Rusiya prezidenti Vladimir Putinin Türkmənistana iki günlük səfəri də diqqət mərkəzində olub.
DOĞRU.AZ
