ABŞ prezidentliyinə namizəd Donald Tramp Fox News telekanalına müsahibəsində Parisdə Olimpiadanın açılış mərasimini biabırçılıq adlandırıb.
“Mən çox geniş dünyagörüşlü insanam. Lakin onların etdikləri biabırçılıqdır”, – Tramp bildirib.
Eyni zamanda, Fransanın daxili işlər naziri Gerald Darmanin Parisdə Olimpiya Oyunlarının açılış mərasiminin “ azadlığın ifadəsi ” olduğunu bildirib.
İyulun 26-da tarixdə ilk dəfə olaraq stadionda deyil, şəhərdə baş tutan 2024-cü il Oyunlarının açılış mərasimi baş tutub. Komandalar qayıqlarla Sena çayı boyunca parad keçirdilər.
Sosial şəbəkələrdə çoxları tədbirdə transvestit sənətçilərin* Da Vinçinin “Son şam yeməyi” əsərini parodiya etməsindən narazı qalıb.
DOĞRU.AZ
