Türkiyənin xarici işlər naziri Hakan Fidan bildirib ki, Rusiya ilə Suriyanın yeni hakimiyyət orqanları arasında dialoq çox dəyərlidir.
Doğru.az xəbər verir ki, Fidan “Ülke TV” telekanalına müsahibəsində qeyd edib ki, Suriya Ərəb Respublikasının keçid dövrü prezidenti Əhməd əl-Şaraa Moskva ilə dialoqdan imtina etməyərək radikal mövqe tutmayıb. Nazir həm Rusiyanın davranışını, həm də Suriyanın mövqeyini alqışlayıb:
“Onlar bəzi məsələlərdə razılaşırlar, bəzilərində isə razılaşmırlar, lakin dialoqa başlamaq və danışıqlar aparmaq vacibdir. Bu, dəyərlidir.”
Bundan əvvəl Suriyanın xarici işlər naziri Əsəd Əl-Şibani bəyan etmişdi ki, Rusiya və Suriya Ərəb Respublikası əvvəlki razılaşmalara yenidən baxılmasını müzakirə edirlər.
DOĞRU.AZ
