“Android”də WhatsApp istifadəçiləri daha əvvəllər olduğu kimi söhbətlərin ehtiyat nüsxələrini Google Diskdə pulsuz saxlaya bilməyəcəklər.
Bu barədə Google və WhatsApp öz rəsmi bloqlarında məlumat veriblər.
“WhatsApp” nümayəndələrinin sözlərinə görə, dəyişikliklər beta versiya istifadəçiləri üçün bu ilin dekabrında, 2024-cü ilin birinci yarısında isə Android-də messencerin bütün digər istifadəçiləri üçün qüvvəyə minəcək. İstifadəçilər yeni qaydaların qüvvəyə minməsindən bir ay əvvəl müvafiq bildiriş alacaqlar.
Google öz növbəsində aydınlaşdırıb ki, istifadəçinin Google Diskində boş yer nəzərə alınmaqla WhatsApp söhbətlərinin və onların məzmununun ehtiyat nüsxəsi işləməyə davam edəcək. Bu xidmət üçün pulsuz plan yalnız 15 GB məlumat təqdim edir.
Beləliklə, bəzi istifadəçilər bulud yaddaşında əlavə yer almalı və ya lazımsız məlumatları silməli olacaqlar. Bununla belə, WhatsApp-da məlumatların silinməsi onu Google Disk ehtiyat nüsxəsindən siləcək.
Mənbə: Haberler.com
