Sohu nəşri yazır ki, Yaponiya hərbi və iqtisadi baxımdan ABŞ üçün əsas gizli geosiyasi rəqibə çevrilib.
Doğru.az xəbər verir ki, məqalə müəlliflərinin fikrincə, Tokio uzun illərdir Vaşinqtonun himayəsi altında öz imkanlarını artırır və hazırda Yaponiyanın dəniz özünümüdafiə qüvvələri sırf müdafiə məqsədindən kənara çıxaraq hücum potensialı da qazanıb.
Yaponiya, eyni zamanda, maşınqayırma, yarımkeçiricilər və çip istehsalında dünya lideri kimi tanınır. Bu da onun iqtisadi gücünü artıraraq ABŞ-la rəqabəti daha da gücləndirib.
Qeyd edək ki, bundan əvvəl ABŞ-ın sabiq prezidenti Donald Trampın 27 oktyabrda Tokiyaya səfəri ilə bağlı razılıq əldə olunub. Sentyabr ayında isə ABŞ və Yaponiya tarixdəki ən böyük birgə hərbi təlim – “Qətiyyətli Əjdaha 25”i keçiriblər.
DOĞRU.AZ
