Yaponiya aprel ayından bəri insanlara rekord sayda ayı hücumu ilə qarşılaşıb.
Doğru.az xəbər verir ki, Bloomberg yazır: Ekologiya Nazirliyinin məlumatına görə, son 8 ayda ölkədə ayı hücumları nəticəsində 13 nəfər ölüb, 217 nəfər yaralanıb. Hücumların 97%-i Asiya qara ayılarına aid olub.
2025-ci ilin aprel-oktyabr ayları ərzində ölkə üzrə 36 814 ayı müşahidə edilib. Bu artım heyvanların insanların yaşadığı ərazilərə daha çox daxil olması ilə bağlıdır və hökuməti tədbir görməyə məcbur edir.
Bundan əvvəl Akita prefekturasının qubernatoru Kenta Suzuki sosial şəbəkələrdə insan yeyən ayıların qarşısının alınmasında ölkənin özünümüdafiə qüvvələrindən kömək istəmişdi. İyun ayında Yamaqata hava limanı ərazisində ayının peyda olması səbəbindən uçuş-enmə zolağı müvəqqəti dayandırılmışdı.
DOĞRU.AZ
