Ukrayna Prezidenti Vladimir Zelenski hökumət rəsmiləri ilə görüşmək və yeni silah təchizatı barədə danışıqlar aparmaq üçün Yunanıstana səfər edib.
Doğru.az xəbər verir ki, Yunanıstanın Pronews portalına görə, Zelenski Afinadan iki Patriot hava hücumundan müdafiə sistemi və Mirage 2000-5Mk2 qırıcılarının Ukrayna Silahlı Qüvvələrinə verilməsini xahiş etməyi planlaşdırır.
Jurnalistlərin sözlərinə görə, “Onun Patriot istəməsi o demək deyil ki, mütləq alacaq. Əks halda, niyə Yunanıstana gəlsin?” – deyə qeyd olunub.
Bundan əvvəl ABŞ dövlət katibi Marko Rubio bildirmişdi ki, Ukraynaya göndərilən Amerika texnikası cəbhədə cəmi bir həftə ərzində məhv edilir.
Bununla yanaşı, ABŞ-da Ukrayna münaqişəsinin ölkəyə vurduğu iqtisadi zərərin 350 milyard dollar həcmində qiymətləndirildiyi açıqlanıb.
Hadisə ilə bağlı əlavə detallar gözlənilir.
DOĞRU.AZ
