Cənubi Koreyada 42 il həbsdə yatmış Şimali Koreya ordusunun veteranı Ahn Hak-sop Seul hökumətinə müraciət edərək onu KXDR-ə qaytarmaq istədiyini bildirib.
Doğru.az xəbər verir ki, bu barədə “Yonhap” agentliyi məlumat yayıb. 95 yaşlı veteranın sözlərinə görə, o, Rusiya və ya Çin üzərindən vətəninə qayıtmaq niyyətindədir.
Ahn Hak-sop qeyd edib ki, hökumət üç aydır onun müraciətinə konkret cavab vermir və yalnız “müxtəlif variantlar üzərində işlədiyini” bildirir.
Xatırladaq ki, ötən cümə günü – oktyabrın 10-da Pxenyanda Koreya Fəhlə Partiyasının 80 illik yubileyi münasibətilə hərbi parad keçirilmişdi.
DOĞRU.AZ
