image-2000x150px
image-mycollages_-_2021-08-10t035224-353backend

6 il əvvəl Prezident Sarayına dəvət olunan Ümid ADA-ya daxil oldu

image-728x90px

6 il əvvəl Gəncədən olan məktəbli Ümid Həbibov Azərbaycan Prezidenti İlham Əliyevə gələcəkdə ADA Universitetinə qəbul olmağı arzuladığını demişdi.

“Qafqazinfo” xəbər verir ki, bunu universitetin prorektoru Fariz İsmayılzadə feysbukda bildirib.

“Bu gün Ümid bizə qonaq gəldi və kampusu gəzdi”, – o yazıb.

Qeyd etmək lazımdır ki, Ümid bu il məktəbi bitirib və qəbul imtahanında yüksək bal toplayıb. O, ali təhsil üçün ADA Universitetini seçib.

Hələ 2014-cü il oktyabrın 18-də Prezident İlham Əliyev və xanımı Mehriban Əliyeva Gəncədə səfərdə olarkən şəhərin gənc sakini Ümid Həbibov onlara yaxınlaşmış və Prezidentlə xanımınından onun doğum günündə iştirak etmələrini xahiş etmişdi.

İlham Əliyev və Mehriban Əliyeva onun bu xahişini yerinə yetirəcəklərinə söz vermişdilər. 2015-ci il martın 19-da Ümid doğum günü münasibətilə Prezident Sarayına çay süfrəsinə dəvət edilmişdi.


image-728x90px

  • whatsapp
  • messenger
  • telegram
  • vkontakte
  • odnoklassniki