“Bloomberg” agentliyinin məlumatına görə, hərbi əməliyyatlar başa çatdıqdan sonra Amerika qoşunlarının Ukraynaya göndərilməsi məsələsi Parisdə keçiriləcək görüşdə gündəmə gələcək. Məqalədə bildirilir ki, Avropa ölkələri Ukrayna ordusunun cəbhə xəttində müdafiəyə rəhbərlik edəcək çoxmillətli “dəstək qüvvəsi”nin yerləşdirilməsi imkanlarını müzakirə ediblər.
Doğru.az xəbər verir ki, Rusiya ilə sülh müqaviləsi bağlanacağı təqdirdə Amerika qoşunlarının hansı rolu oynayacağı və harada yerləşdiriləcəyi hələ də aydın deyil.
Eyni zamanda, Bloomberg qeyd edir ki, Avropa İttifaqı ABŞ-ın razılığı ilə Rusiyanı Ukrayna üçün təhlükəsizlik zəmanətləri ilə bağlı müzakirələrə cəlb etməyi planlaşdırır.
“Politico” qəzetinin məlumatına görə, ABŞ liderinin xüsusi nümayəndəsi Stiv Vitkoff və prezident Donald Trampın kürəkəni Cared Kuşner 6 yanvarda Parisdə keçiriləcək “könüllülər koalisiyası” iclasında iştirak edəcəklər.
DOĞRU.AZ
