AFFA-nın baş katibi Cahangir Fərəcullayev Azərbaycan millisinin DÇ-2026-nın seçmə mərhələsində Reykyavikdə İslandiya yığmasına 0:5 hesabı ilə məğlub olduqları oyundan sonra açıqlama verib.
Doğru.az xəbər verir ki, o, komandanın müdafiədə oynamasını düzgün hesab etməyib:
“İslandiya yığmasına hörmətlə yanaşırıq. İlk dəqiqələrdən müdafiədə 6-7 futbolçu ilə oynamamalıydıq”.
Fərəcullayev futbolçuların günahkar olmadığını bildirərək əlavə edib:
“Fernandu Santuş ev tapşırığını düzgün yerinə yetirmədi. Sistem başdan səhv idi. Onun Azərbaycan xalqına, futboluna yanaşması düzgün deyil. İndi onun matçdan sonrakı açıqlaması maraqlıdır. İstefa verməsə, lazımi tədbirləri görəcəyik”.
DOĞRU.AZ
