Futbol üzrə Azərbaycan milli komandası 2026-cı il dünya çempionatının (DÇ-2026) seçmə mərhələsində bu gün sonuncu oyununu keçirəcək.
Doğru.az xəbər verir ki, D qrupunda mübarizə aparan Azərbaycan yığması Bakıda Fransa millisi ilə üz-üzə gələcək.
Tofiq Bəhramov adına Respublika Stadionunda keçiriləcək qarşılaşma saat 21:00-da başlayacaq. Oyunu latviyalı FIFA referisi Andris Treymanis idarə edəcək.
Qeyd edək ki, 13 xalı olan Fransa millisi artıq DÇ-2026-nın final mərhələsinə vəsiqəni təmin edib. Azərbaycan milli komandası isə 1 xalla qrupda 4-cü pillədə qərarlaşıb.
DOĞRU.AZ
