image-2000x150px
image-bgiv63iyw8mbacpjprqiuom5qbtob0p7dbexbbo6backend

Bölgə fermerlərinə payızlıq əkinlərlə bağlı maarifləndirici təlimlər davam edir – FOTO

image-728x90px

Dövlət Toxum Fondu və Əkinçilik, Tərəvəzçilik Elmi-Tədqiqat İnstitutu ilə birgə növbəti təlim Xaçmaz Dövlət Aqrar İnkişaf Mərkəzində (DAİM) keçirilib.

Təlimin məqsədi payızlıq əkinlərə qulluğun səmərəliliyini yüksəltmək üçün fermerləri məlumatlandırmaq, həmçinin payızlıq əkinlərə hazırlıq işləri ilə əlaqədar görüləcək aqrotexniki tədbirlərin gecikməməsi üçün mütəxəssis tövsiyələrini vermək olub.

Təlimdə Dövlət Toxum Fondunun mütəxəssisləri, Əkinçilik, Tərəvəzçilik Elmi-Tədqiqat İnstitutlarının alimləri, bölgə fermerləri, toxumçular, təsərrüfat rəhbərləri iştirak ediblər.

Təlimdə iştirak etmiş fermerlərə payızlıq taxıl səpinində aqrotexniki tədbirlərin vaxtında və düzgün aparılması, bölgədə kənd təsərrüfatı bitkilərindən yüksək məhsul alınmasını təmin edən becərmə texnologiyalarının tətbiq edilməsi və səpinin yüksək keyfiyyətlə aparılmasına nail olmaq üçün elmi nəaliyyətlər barədə məlumat verilib. Bölgənin torpaq-iqlim şəraitinə uyğun sortların seçilməsi və tətbiqi, müasir torpaq becərmələri, tətbiq olunan sortlar, səpinin elmi əsaslarla aparılma qaydaları, səpin müddəti, səpin norması və s. haqqında məsləhətlər verilib.

Təlimdə fermerləri maraqlandıran suallar ətraflı cavablandırılıb və geniş müzakirələr aparılıb, maarifləndirici kitabçalar paylanılıb.

Qeyd edək ki, növbəti təlim-seminarların Ağcabədi və Şəki rayonlarında keçirilməsi nəzərdə tutulub.

DOĞRU.AZ

image-728x90px

  • whatsapp
  • messenger
  • telegram
  • vkontakte
  • odnoklassniki