Çin Xarici İşlər Nazirliyinin sözçüsü Vanq Venbin bildirib ki, Pekin Şimali Koreya ilə Cənubi Koreya arasında gərginliyi azaltmağa ümid edir və Pxenyanla Seul arasında dialoqa çağırır.
Vanq Venbin vurğulayıb ki, son vaxtlar KXDR ilə Cənubi Koreya arasında gərginlik artıb və regionda vəziyyət gərgin olaraq qalır. O qeyd edib ki, Pekin yarımadadakı vəziyyəti diqqətlə izləyir.
Çin Xarici İşlər Nazirliyinin nümayəndəsi qeyd edib ki, Pekin Pxenyan və Seulla bağlı sabitliyin qorunmasına yönəlmiş məsləhətləşmələrin aparılmasını zəruri hesab edir.
“Ümid edirik ki, müvafiq tərəflər sakit və təmkinli olacaqlar, gərginliyin artmasına səbəb olan hərəkətlərdən çəkinəcəklər, daha da gərginləşməyə yol verməyəcəklər və konstruktiv dialoqun bərpası üçün şərait yaradacaqlar”, – Vanq Venbin bildirib.
Mənbə: TRT Haber
