Hindistanın Telanqana ştatında avtobus və yük maşınının toqquşması nəticəsində 20-dən çox insan həyatını itirib.
Doğru.az xəbər verir ki, Hindustan Times qəzetinin məlumatına görə, faciə Heydərabad şəhərinə gedən magistralda baş verib. 70 sərnişin daşıyan avtobus yük maşını ilə toqquşub.
Polisin açıqlamasına görə, toqquşmanın gücü o qədər böyük olub ki, yük maşınında daşınan çınqıl avtobusun üzərinə düşərək bir neçə sərnişini əzib.
Xatırladaq ki, bundan əvvəl Rusiyanın Tula şəhərində Proletar körpüsündə baş verən qəzada 4 nəfər ölmüş, 20 nəfər isə yaralanmışdı. Rusiya İstintaq Komitəsi hadisə ilə bağlı cinayət işi açdığını açıqlayıb.
DOĞRU.AZ
