İranın Şiraz şəhərində mayeləşdirilmiş təbii qaz (LNG) doldurma zavodunda partlayış baş verib.
Doğru.az xəbər verir ki, SNN məlumatına görə, qaz balonunun partlaması nəticəsində yanğın yaranıb.
Xilasedicilər alovun sexə və qonşu tikililərə keçməsinin qarşısını alıblar. Hadisə zamanı 9 nəfər xəsarət alıb: 7 nəfərə yerində ambulator yardım göstərilib, 2 nəfər isə xəstəxanaya çatdırılıb.
Hələlik partlayışın baş verdiyi zavodun dəqiq adı açıqlanmır. Xatırladaq ki, bir gün əvvəl ABŞ-ın Nyu-Meksiko ştatında neft emalı zavodunda baş verən partlayış nəticəsində 3 nəfər yaralanmışdı.
DOĞRU.AZ
