İrlandiyanın baş naziri Leo Varadkar bildirib ki, səlahiyyətlilər noyabrın 23-də Dublində baş verən iğtişaşlardan sonra nifrət əleyhinə qanunlara yenidən baxacaqlar.
Bu barədə Reuters xəbər verir.
“Gələcək həftələrdə Gardai-yə dünən topladıqları CCTV sübutlarından daha yaxşı istifadə etməyə imkan verəcək yeni qanunlar təqdim edəcəyik, həmçinin nifrət nitqi və ümumiyyətlə nifrətə qarşı qanunlarımızı modernləşdirəcəyik” deyə baş nazir izah edib.
O əlavə edib ki, İrlandiya qanunvericiliyi sosial media dövrü üçün çox köhnəlmişdir və həftələr ərzində modernləşdirilməlidir.
Noyabrın 23-də axşam Dublində miqrantın bıçaqla üç uşağa və bir qadına hücum etməsi səbəbindən iğtişaşlar baş verib. Noyabrın 24-ü səhər saatlarında iğtişaşlar sona çatdı.
Mənbə: Haber Global
