Bakı şəhəri, Sabunçu rayonu, Bakıxanov qəsəbəsində yerləşən “Məhəllə 1” kafesində aparılan yoxlama zamanı sanitariya qaydalarının pozulduğu müəyyən edilib.
Doğru.az xəbər verir ki, Azərbaycan Qida Təhlükəsizliyi Agentliyi (AQTA) obyektin qida təhlükəsizliyi qeydiyyatından keçmədən fəaliyyət göstərdiyini açıqlayıb.
Yoxlama nəticəsində kafedə texnoloji ardıcıllığın gözlənilmədiyi, xammal üçün anbar sahəsinin təşkil edilmədiyi, mətbəxdə tavandan izolyasiya edilməmiş kanalizasiya borusunun keçdiyi və digər ciddi nöqsanlar aşkar olunub.
Faktla bağlı obyekt rəhbərliyi barəsində inzibati protokol tərtib edilib. Nöqsanlar aradan qaldırılanadək müəssisənin fəaliyyəti dayandırılıb.
DOĞRU.AZ
