Prezident seçkiləri kampaniyası fonunda ABŞ-da daxili gərginlik artacaq. Bunu amerikalı Dmitri Drobnitski “Vzqlyad” qəzetinə müsahibəsində bildirib. Onun sözlərinə görə, demokratlar ABŞ-ın keçmiş prezidenti Donald Trampı seçkilərdən kənarlaşdıra bilməyəcəklər, çünki bu, eskalasiyaya aparan yoldur. Ekspert vurğulayıb ki, poçtla səsvermə təcrübəsini təkrarlamaq da mümkün olmayacaq.
“İndiki şəraitdə ölkədə gərginlik artacaq, bunun nəyə gətirib çıxaracağını proqnozlaşdırmaq çətindir. Tamamilə mümkündür ki, uduzan tərəf seçkinin nəticələrini tanımaya bilər. ABŞ sonuncu dəfə 19-cu əsrin ortalarında belə bir parçalanma ilə üzləşdi və sonra bu, vətəndaş müharibəsinə gətirib çıxardı”, Drobnitski qeyd edib.
O əlavə edib ki, Tramp hazırda prezidentlik yarışında inamlı liderdir, ABŞ-ın hazırkı lideri Co Bayden isə əhali arasında kifayət qədər aşağı reytinqə malikdir.
Mənbə: Lenta.ru
