2024-cü il yanvarın 1-dən BRİKS sədri vəzifəsinə başlayan Rusiya bütün üzv ölkələrlə səmərəli iş gözləyir.
Bunu Rusiya prezidenti Vladimir Putin Rusiyanın təşkilatda sədrliyinin başlaması ilə bağlı müraciətində deyib.
Putin prioritet işlər arasında elm, yüksək texnologiyalar, səhiyyə, ekologiya, eləcə də mədəniyyət, idman, gənclər mübadiləsi və vətəndaş cəmiyyəti vasitəsilə əməkdaşlığın təşviqini qeyd edib.
Ümumilikdə, Rusiya Federasiyasının BRİKS-ə sədrliyi çərçivəsində Rusiyanın bir çox şəhərlərində müxtəlif səviyyəli və istiqamətli 200-dən çox tədbirin keçirilməsi planlaşdırılır. Putin BRİKS ilə əməkdaşlıq etmək istəyən bütün ölkələrin nümayəndələrini orada iştirak etməyə çağırıb.
Mənbə: TASS
