UEFA Çempionlar Liqasının II təsnifat mərhələsində keçiriləcək “Qarabağ” – “Şelburn” (İrlandiya) oyunu üçün bilet satışı bu gündən başlayıb.
Doğru.az xəbər verir ki, Ağdam təmsilçisindən AZƏRTAC-a verilən məlumata görə, biletlər bu gün saat 12:00-dan etibarən satışa çıxarılıb.
Tofiq Bəhramov adına Respublika stadionunda keçiriləcək matç üçün biletlərin qiyməti 5, 10, 20, 30, 75 və 100 manat təşkil edir. VVIP C və VVIP D sektorlarda yerləşmək və VIP Lounge üstünlüklərindən yararlanmaq istəyən azarkeşlər üçün isə biletlərin qiyməti 300 manatdır.
Biletləri aşağıdakı ünvanlardan əldə etmək mümkündür:
iTicket.az – onlayn satış
Park Bulvar – “Qarabağ” FK-nın Fan-şopu
Tofiq Bəhramov adına Respublika stadionunun kassaları
Qeyd edək ki, qarşılaşma “Qarabağ” klubunun Çempionlar Liqasında növbəti mərhələyə yüksəlməsi baxımından böyük əhəmiyyət daşıyır.
DOĞRU.AZ
