Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Beynəlxalq Qırmızı Xaç Komitəsi (BQXK) HƏMAS hərəkatı tərəfindən iki rusiyalı qadının köçürülməsini təsdiqləyib.
O, bu barədə TASS-a məlumat verib.
“BQXK iki vətəndaşımızın HƏMAS tərəfindən ona təhvil verilməsini təsdiqləyib: İrina Aleksandrovna Tatti və Yelena Yulianovna Trufanova”, – Zaxarova bildirib.
Qeyd olunur ki, azadlığa çıxanlar bir-biri ilə qohumdurlar – ana və qız.
Bundan əvvəl Fələstinin HƏMAS hərəkatı tərəfindən azad edilən iki rusiyalı qadının Qəzza zolağından Rəfah keçid məntəqəsinin Misir tərəfinə aparıldığı bildirilmişdi. Telekanalın məlumatına görə, Rusiya və İsrail vətəndaşlığı olan iki qadın artıq Rəfah keçid məntəqəsinin Misir tərəfinə gəlib.
