Ticarət məlumatlarına görə, Comex birjasında 2025-ci ilin dekabr fyuçersləri üzrə qızılın qiyməti bir troya unsiyası üçün 4 050 dolları keçib.
Doğru.az xəbər verir ki, Bakı vaxtı ilə saat 05:22-yə olan məlumata görə, qiymətli metal 4 054,30 dollar təşkil edib (1,16% artım). Saat 05:36-da isə qızılın qiyməti daha da yüksələrək bir unsiya üçün 4 061,90 dollara çatıb (1,35% artım).
Ekspertlər bildirirlər ki, qiymətin artımına qlobal iqtisadi qeyri-sabitlik, inflyasiya ilə bağlı narahatlıqlar və investorların riskli aktivlərdən uzaqlaşması təsir göstərib.
DOĞRU.AZ
